Para clausura o Club de Lectura de Adultos, creado este curso no IES Antón Alonso Ríos, compartimos unha lectura moi especial con outros grupos lectores do Baixo Miño. Xunto co CPI Manuel Suárez Marquier do Rosal, co CEIP Pintor Antonio Gonzáles de Goián, lemos Claro de lúa , a última novela da nosa compañeira Puri Ameixide. Guiados por ela, percorremos os lugares literarios da novela: Pías, A Pasaxe, o esteiro da desembocadura do río Miño, a praia do Muíño... E mentres iamos andando, dabamos en falar sobre as personaxes da obra, do papel e os soños de cada un, dos xiros da historia e da Historia... Todo quedou recollido neste vídeo-resumo:
Blog da Biblioteca do IES Antón Alonso Ríos - Tomiño