O PAPASOL DO MIÑO

As nosas mensaxes din moito de nós, sexan a través da rede que sexan. Dende o IES Antón Alonso Ríos, o Equipo de Mediación anímanos a encher as redes sociais de comentarios pacifistas, dos que deixan os conflitos á marxe, para vivirmos todos en paz.  E se queres achegarte a lecturas en paz, bótalle unha ollada á nosa selección de libros polo Día da Paz que está á entrada do centro. Se che apetece ler un deses exemplares, só tes que comunicalo na biblio. 

Logo do éxito da campaña de fomento da lectura Lazadas lectoras , seguimos na mesma onda pero con diferente efeméride.  Non podemos negar que en torno ao 14 de febreiro hai un ambiente que a todos nos gusta. Quen lle pecha as portas ao amor? Pois abrir un libro é coma empezar unha historia de amor...! Si, ás veces é unha historia de desamor, pero así é a vida... Anímate a pedir un libro para que llo entreguemos a alguén no teu nome. O libro transmitiralle a túa gran mensaxe. Será coma dicirlle: Q UÉROTE. DILLO CUN LIBRO

Neste Nadal, a Biblioteca do IES Antón Alonso Ríos anímavos a levar para as vosas casas os libros que vos presten. Eles son un agasallo digno da mellor lazada.  Pide o teu paquete cuns libros concretos, cunha temática do teu gusto ou, se queres aumentar a emoción de abrir o agasallo, solicita un  paquete lector sorpresa.   Encarga a túa lazada lectora enviando un email a btomino@gmail.com. Indícanos: - Nome  e apelidos. - Curso e clase: - Se es familiar, nome e apelidos do/a alumno/a matriculado no centro. - Se es persoal do centro, departamento:   Antes do Nadal, recibirás a túa lazada lectora.  

O vestíbulo e os corredores do IES Antón Alonso Ríos volven mostrar seleccións de libros temáticos, as novidades da Biblioteca... Esta nova era pandemia-covid non nos permite andar folleando os libros todos á vez, pero si seleccionar tal ou cal obra e levala en préstamo para a nosa casa. Tendes na entrada do instituto unha escolla das novidades de ciencia que chegaron á nosa biblioteca. Se che interesa algún exemplar, só tes que ir ata a biblioteca e comentárnolo ou enviar un correo electrónico a btomino@gmail.com e solicitalo. 

 A Biblioteca do IES Antón Alonso Ríos foi o espazo en que o alumnado voluntario botou unha man en labores de dinamización, orgazinación e apoio aos usuarios e usuarias durante o curso pasado. A súa colaboración durante o tempo do recreo é agora recoñecida cunha certificación da Dirección Xeral de Xuventude, Participación e Voluntariado.  Así foi o acto de entrega destes diplomas acreditativos. Grazas inmensas pola vosa axuda ilusionante!

Neste Nadal e sempre, agasalla experiencias lectoras! A Biblioteca do IES Antón Alonso Ríos puxo en marcha unha campaña de animación á lectura orientada a toda a comunidade educativa e, sobre todo, ao alumnado. E de agasallo por participar, un marcapáxinas-calendario de 2020. Os materiais da nosa biblioteca foron e son adquiridos con fondos públicos e son, xa que logo, de todos e todas. Queremos que saian das paredes da biblioteca, que salten dos andeis, que se toquen, que se cheiren, que cheguen ás casas porque si, porque nos gusta ler, porque queremos animar a ler, porque queremos que lle collades o gusto a ler... Porque ler pode facernos sentir grandes experiencias.    Así naceu AGASALLA EXPERIENCIAS LECTORAS.   Por grupos,  os nosos alumnos e alumnas foron pasando pola biblioteca e animámolos a autoagasallarse ou a regalarlle á familia unha experiencia lectora. E non hai como animar e non obrigar (Que si, de verdade, do libro que levedes non h...

Equipazo de Voluntariado na biblioteca! Grazas por responder á nosa chamada e grazas xa polo voso compromiso e estusiasmo. Neste curso 2019/2020, a Biblioteca do IES Antón Alonso Ríos conta cun equipo de voluntariado. Repartidos en pequenos equipos por días, veñen no recreo a botarlles unha man aos compañeiros a atopar o libro que buscan, recolocan as devolucións, axudan nas dinamizacións da biblioteca...  Ademais dun agasallo de Nadal, ao final de curso obterán unha certificación oficial da súa colaboración e irán de visita a outras bibliotecas xunto cos integrantes dos clubs de lectura.  Grazas polo voso apego aos labores culturais e á dinamización dun espazo lector como é a biblioteca.

Para pechar as xuntanzas dos nosos clubs de lectura por 2019, fixemos unha ruta literaria. Equipaxe? A maleta de álbum ilustrado para Secundaria do CFR de Vigo. Nesta actividade cos Clubs de Lectura  de alumnado e de adultos do  IES Antón Alonso Ríos (Tomiño), os seus compoñentes  actuaron de comité de selección dunha morea de álbums ilustrados e suxeriron as obras que estaría ben adquirir para a nosa biblioteca. Gustounos confirmar que, en canto á literatura, tamén hai tantos gustos coma cores. E preguntámonos: para unha biblioteca escolar, só o profesorado pode escoller materiais? Dámoslle voz e voto ao alumnado que queremos invitar a ler á hora de adquirir obras?  Pódense abrir canles para que tamén suxiran materiais outros membros da comunidade educativa? Dende o Equipo de Biblioteca estabamos seguros de que os membros de clubs de lectura serían un bo comité de selección. Pedímoslles argumentación a favor ou en contra da compra e xa temos unha listaxe list...

A profesora Puri Ameixide xuntouse na nosa biblioteca cos seus lectores de Claro de lúa , a súa última novela publicada. Este pasado venres día 13 de decembro, o alumnado de 2º de Bacharelato asistiu á charla titulada "A arte de narrar: Claro de lúa ". Deixamos neste vídeo un resumo do encontro coa autora, un momento cheo de sorrisos. 

O IES Antón Alonso Ríos tivo o pracer de contar coa escritora Sonia Mirón como docente e, dende o Equipo de Biblioteca, aproveitamos para facerlle unha pequena entrevista. Ademais, durante un recreo, celebrouse unha sinatura de libros da escritora.

Somerxidos no curso 2019/2020, a Biblioteca do IES Antón Alonso Ríos comezou este período como centro de nova incorporación ao PLAMBE , Plan de mellora de bibliotecas escolares. No noso proxecto, segue sendo clave a realización de actividades de formación de usuarios autónomos da biblioteca e de fomento da lectura. Para celebrar o Día das Bibliotecas , neste 24 de outubro queremos invitar á lectura e formar como usuarios ao persoal laboral do noso instituto, porque o seu grao de implicación coa lectura e o aproveitamento que fagan da biblioteca será importantísimo para facilitar que o noso alumnado acceda tamén a estes recursos.  Que argallou o Equipo de Biblioteca? Invitou a café e repartiu sorbos de lecturas : suxestións lectoras para o persoal docente e o de administración e servizos para celebrar o Día das Bibliotecas. E por se se animan a pasar polo biblio e darlle unha oportunidade ao libro que lle recomendamos, tamén os convidamos a unha formación de usuarios só par...

O Equipo de Biblioteca do IES Antón Alonso Ríos deséxavos Bo Nadal con este vídeo-resumo dunha actividade do centro.  Por un 2019 cheo de animación á lectura! 

25 N: NON Á VIOLENCIA DE XÉNERO

             Dende o Equipo da Biblioteca queremos  que o noso"tesouro" mellore coas aportacións de toda a Comunidade Educativa do IES Antón Alonso Ríos.  Escribe no noso "Biblioideas"                                     Grazas por colaborar coas túas suxestións!!!!!                    Tamén nolas podedes mandar a  btomino@gmail.com

Estes días estivemos ofrecendo diversos xogos e concursos para celebrar o Día do Libro, entre eles adiviñar actrices e actores que aparecían nun panel lendo, levar libros liberados mediante bookcrossing, e agora ademais, durante os recreos desta semana, obradoiro de marcalibros e outras manualidades para personalizar os nosos exemplares, envolver para regalo, etc. No multiusos - antiga cafetería.

O pasado luns pola tarde celebramos no instituto unha mestura de Magosto e Samaín nunha festa á que xa nos afixemos nos últimos anos. Moitos alumnos e profesores comemos no centro os saborosos bocadillos e as castañas que prepararon os alumnos de Forestais e as pizas e sobremesas cuxa esmerada elaboración debemos aos alumnos de 4º ESO que este ano irán de viaxe de fin de etapa. Os que quixeron participaron en deportes tradicionais, animáronse co sempre exitoso karaoke ou se presentaron a algún concurso (cabazas, fotografía...). Todo isto, aderezado coa colorida ambientación que correu a cargo do alumnado e profesores de Plástica.  E, como o de atoparnos os vivos e os mortos nalgún punto do camiño gústanos tanto, xa temos unha escusa perfecta para ler un libro de terror ou fantasmagórico. Todos estes podedes vir buscalos á biblioteca. Relatos breves, contos, lendas... El fantasma de Canterville y otros cuentos , de Óscar Wilde (andel 156, en español). Os Relatos de ...

       Así se titula esta exposición de 30 traducións do poema PENÉLOPE de X. Mª DÍAZ CASTRO, que podes ver ata o día 20 de outubro na nosa Biblioteca . Os Equipos de Dinamización Lingüística dos IES Monte Carrasco de Cangas, Carlos Casares de Vigo e Indalecio Pérez Tizón de Tui elaboraron esta homenaxe a Xosé María Díaz Castro no Día das Letras Galegas 2014. Buscando rememorar o carácter de tradutor políglota do autor de Nimbos , pretendíase atopar tradutoras ou tradutores a outras linguas do seu emblemático poema “ Penélope ”. As 30 linguas representadas son: castelán, éuscaro, catalán, asturianu, aranés, portugués, francés, checo, grego clásico, holandés, inglés, italiano, latín, oshiwambo, quechua, romanés, ruso, suahili, sueco, urdu, xaponés, chinés, búlgaro, polaco, alemán, hindi, árabe e mapuche. Con elas elaboráronse paneis para a súa exposición, ilustrados, principalmente, polo alumnado do Monte Carrasco, material logo compilado e presentado...

Recentemente a Biblioteca adquiriu o simpático xogo SABIDURIUS  que se pode usar no instituto e levar en préstamo para casa. Desde aquí animamos ao profesorado, especialmente ao de linguas, a sacarlle partido nalgunha clase! Amplíar información

O vindeiro mércores 23 de abril celebraremos o Día do Libro no noso centro coa visita de Fran Pérez, NARF , compositor e intérprete que reparte a súa actividade entre o mundo da canción, a composición e o teatro. Publicou  varios discos baixo nome artístico de NARF, o último deles "Nas tardes escuras” (El patito editorial, 2013), con poemas de Rosalía de Castro.

Podes atopar o libro Como defenderes os teus dereitos lingüísticos no andel de Novidades da nosa Biblioteca. Ou podes pedírllelo aos Reis... Tamén podes visitar o blog de Carlos Callón