Club de Lectura

Dende o Equipo de Biblioteca do IES Antón Alonso Ríos, queremos compartir coa comunidade educativa información xeral sobre a organización dos clubs de lectura, actividade coa que pretendemos continuar neste curso 2021/2022. Tendo presente todas as directrices que seguen vixentes en materia de seguridade sanitaria, cremos que merece a pena continuar con esta dinámica de fomento da lectura cunha vertente grupal e social.

  Con ela, continuamos a traballar para lograr os seguintes obxectivos:

- incrementar o pracer da lectura ao compartilo con outras persoas

- mellorar as competencias lectora e lingüística en galego e en castelán.

- servir de encontro entre persoas con intereses comúns, para axudarlles a socializarse fóra do horario escolar. 

-  potenciar a unión da dimensión privada da lectura coa pública, o que implica escoitar, debater e respectar. 

 Este é o horario previsto:

grupos	xuntanzas
1º / 2º ESO	dous venres por trimestre, durante o recreo
3º, 4º ESO, Bach. e FP	dous venres por trimestre, durante o recreo
adultos	horario por decidir cos participantes

O lugar de encontro para as xuntanzas será a Biblioteca, sempre  na compaña de profesorado.

Os libros que se propoñan para ler ao longo do curso 2021-2022 serán facilitados polo Equipo de Biblioteca, polo que a actividade non ten ningún custo para as familias. No mes de xuño, se a situación sanitaria o permite, organizarase unha saída extraescolar relaciona cunha obra e coas actividades do club de lectura.

Dende o Equipo de Biblioteca, estamos seguros do aproveitamento a nivel cultural e social desta proposta de dinamización lectora e agardamos a colaboración e participación das familias. 

Para participar, é necesario preinscribirse cubrindo o seguinte formulario (prazo de preinscrición: ata o 15 de outubro de 2021):

Formulario de preinscrición no club de lectura da Biblioteca do IES Antón Alonso Ríos